रबिन थपलिया । काठमाडौं । नुवाकोट बेलकोटगढी ७ रातमाटे घर भई अमेरीका बस्दै आउनुभएकी सावित्री भण्डरी नेपाली समाज टेक्सस, अमेरीकाको (एनएसटी) महिला उपाध्यक्षमा निर्विरोध निर्वाचीत हुनुभएको छ ।
यहि डिसेम्बर १६ मा हुन गइरहेको समाजको निर्वाचन कार्यतालीका अनुसार भण्डारीको मात्र महिला उपाध्यक्षमा उम्मेद्धवारी परेपछि उहाँ निर्वाचीत हुनुभएको हो ।
नेपाली समाज टेक्सस, अमेरीकाको (एनएसटी)को निर्वाचन समितिका प्रमुख वैकुण्ठ थापाले महिला उपाध्यक्षमा एक जनाको मात्र उम्मेद्धवारी परेकाले उक्त पदमा भण्डारी निर्वाचीत भएको बताउनुभयो ।
त्यस्तै संघको महिला संयोजकमा शान्ता कुमारी गिरीको मात्र उम्मेद्धवारी परेकाले गिरी समेत निर्विरोध भएको निर्वाचन समितिका प्रमुख थापाले घोषणा गर्नुभयो ।
नेपाली समाज टेक्ससको निर्वाचन आउँदो डिसेम्बर १६ तारिक हुँदैछ । निर्वाचन कार्यतालीका अनुसार उम्मेदवारी फिर्ता गर्न चाहनेले आउँदो बुधबार साँझसम्म फिर्ता गर्नसक्ने जनाइएको छ ।
नेपाली समाज टेक्सस यस क्षेत्रको सबैभन्दा ठूलो र पुरानो सामुदायिक संस्था हो । सन् १९९७ मा यो संस्था स्थापना भएको हो । अहिले दुईहजार ५ सय १२ जना सदस्य छन् ।
एनएसटीले टेक्ससमा रहेका नेपाली समुदायको हितमा काम गर्दै आएको छ । यसका साथै अमेरिकी मुलधारको राजनीतिमा नेपाली अमेरिकीहरुको सहभागिता बढाउने क्षेत्रमा समेत विगत केही वर्षदेखि कार्य गर्दै आएको छ ।
यसै बिच संविधान सभा सदस्य एवं नेपाली काँग्रेस नुवाकोटका निर्वातमा सभापति जगदिश्वर नरसिंह केसीले नेपाली समाज टेक्सस, अमेरीकाको (एनएसटी) महिला उपाध्यक्षमा निर्वाचीत साबित्री भण्डारीलाई बधाई र सुभकामना व्यक्त गर्नुभएको छ । नेता केसीले समाजको निर्वाचनमा उम्मेद्धवार बनेका सवै उम्मेद्धवारहरुलाई सफलताको सुभकामना समेत व्यक्त गर्नुभयो ।
नेपाली समाज टेक्सस (एनएसटी)को आउँदो सन् २०२४÷२५ को नेतृत्वका लागि वर्तमान अध्यक्ष राजेन्द्र वाग्ले र पूर्ब महासचिव कमल सत्यालको टिमको उम्मेदवारी परेको छ ।

रबिन थपलिया । काठमाडौं । शिवपुरी गाउँपालिकाका अध्यक्ष गोविन्द प्रसाद थपलिया रयाफ्टिङ एन्ड क्यानोइङ संघको उपाध्यक्षमा निर्विरोध निर्वाचीत हुनुभएको छ ।
संघको शनिबार सम्पन्न पाँचौ अधिवेशनले थपलियालाई सर्वसम्मत उपाध्यक्षमा चयन गरेको हो । राजनीति, परोपकारी कार्यका साथै तिन देखि पर्यटन क्षेत्रमा आबद्ध रहनुभएका अध्यक्ष थपलिया यस अघि पनि संघको उपाध्यक्षमा ४ बर्षे कार्यकाल सफलताको साथ पुरा गर्नुभएको छ ।
काठमाण्डौंमा सम्पन्न संघको अधिवेशनले राजीव श्रेष्ठको अध्यक्षमा १३ सदस्यीय कार्यसमिति सर्वसम्मत चयन गरेको छ । जस अनुसार बरिष्ठ उपाध्यक्षमा सूर्यप्रसाद जोशी र उपाध्यक्षमा गोविन्द प्रसाद थपलिया र महेन्द्र सिंह थापा, महासचिबमा सुदीपराज गौतम, सचिबमा सुनिल अर्याल र कोषाध्यक्षमा महेश थापा सर्वसम्मत चयन हुनुभएको छ । त्यस्तै संघको सदस्यमा रीता अधिकारी, दीपक भुजेल, निमबहादुर मगर, कुमार श्रेष्ठ, ओम्निका डंगोल र कौशिला प्रधान चयन हुनुभएको छ ।
नवनिर्वाचीत पदाधीकारीहरुलाई प्रमुख निर्वाचन अधिकृत एवं राष्ट्रिय खेलकुद परिषद् अन्तर्गतको खेलकुद विकास विभागका प्रमुख मीन कुमार शर्माले पद तथा गोपनीयताको शपथ ग्रहण गराउनुभएको थियो ।

काठमाण्डौं । नेपालमा बिक्रीका लागि अनुमतीनै नभएको मारल जेल नामको औषधी बिक्री गर्ने मारल स्टोर कलंकीले साधारण बिल जारी गरेर राज्यलाई लाखौं राजश्व छली गरिरहेको भेटिएको छ ।
यौन शक्ति बढाउने नाममा बिक्री भइरहेको मारल जेलको नेपालमा बिक्रीका लागि अनुमती नभएको र बट्टामा समेत मुल्य नभएकाले सर्वसाधारणहरु नराम्रो गरि ठगीरहेका छन् ।
नेपालमा सामान बिक्रीका लागि त्यसको खोलमा मुल्य, उत्पादन मिति, प्रयोग गरिसक्नुपर्ने मिति र उत्पादन गर्दामा प्रयोग गरिएका मेट्रियल्सका बारेमा बाहिरी कभरमा स्पष्ट रुपमा उल्लेख गर्नुपर्ने हुन्छ । तर मारल स्टोर कलंकीले अनलाइन मार्फत मुल्य सुचिनै नभएको मारल जेलको उच्च मुल्य राखेर बिक्री गरेको भेटिएको छ ।
सामानमा खरिद मुल्य उल्लेख नभएको मारल जेललाई मारल स्टोर कलंकीले प्रतिपिस ८९०० सम्म लिने गरेको छ । अनलाइन मार्फत आर्कषक बिज्ञापन बनाएर बुष्ट गरिएको बिज्ञापनको पेजमा प्रतिपिस ८९०० मा अहिले ५० प्रतिशत छुटको अफर चलेको उल्लेख छ । जस अनुसार एउटा मारल जेल को प्रतिपिस नेपाली उपभोक्ताले ४४५० रुपयाँ तिर्नुपर्दछ । बिज्ञापनमा भनिएको छ “आफ्नो पुरुषत्वमा परिवर्तन ल्याउनुहोस, मारल जेल पुरुष यौन शक्तिको लागी एक प्रभावकारी र सुरक्षित उत्पादन, मारल जेल मगाएर प्रयोग गर्नुहोस यदि केहि हप्ताको प्रयोगपछि भनेको जस्तो नतिजा दिन नसके हजुरहरुले १०० प्रतिशत पैसा फिर्ता पाउनुहुने छ ।”
यस्तो आर्कषक बिज्ञापन देखेपछि यौन शक्ति कम भएका पुरुषहरु नलोभिने कुरै भएन् । ठमेलका एक व्यापारी सुरज श्रेष्ठ (परिर्वतीत नाम) ले आफु र आफ्ना साथीको लागि भन्दै तिन पिस मारल जेल मगाँउछन् । पैसा र्फिता हुने ज्ञारेन्टी दिएर ढुक्क भएर सामान मगाएका सुरजले प्रयोग गरेको दुई हप्ता सम्म पनि राम्रो काम नगरेपछि निरास बनेका छन् । उनले भने “ आर्कषक बिज्ञापनका कारण म जस्तै अन्य धेरै मानिसहरु ठगीएका छौं, सामाजीक प्रतिष्ठाका कारण बाहिर बोल्न पनि मिलेन तर यो जेलको नाममा हामी ठगीयौं, तपाँईहरुले आवाज उठाइदिनुप¥यो”
मारल जेल रसियन उत्पादन हो । नेपालमा बिक्रीको लागि कुनै अनुमती नपाएको यो जेल भन्सार छली गदै भारतबाट नेपाल भित्रीएको हो । नेपालका बिक्रीको लागि अनुमती नभएको मारल जेल आर्कषक बिज्ञापन बनाएर अनलाईन मार्फत चर्को मुल्यमा बिक्री भइरहेको छ । अझ रोचक कुरा त चर्को मुल्यमा बिक्री भइरहेको मारल जेल किन्ने ग्राहकले साधारण बिल पाउने गरेका छन् । प्यान र भ्याट बिना जारि हुने यस्ता बिलले नेपाल सरकारलाई करोडौं राजश्व छली गरिरहेका छन् । मारल स्टोर कलंकीले साधारण बिल जारी गरेर राजश्व छली गरिरहेको छ । हेर्नुहोस ।
सुरज (परिर्वतीत नाम)ले तिन पिस मारल जेलका लागि अनलाइन मार्फत रु १० हजार तिरेका थिए । उनलाई सामान सहित मारल स्टोर कलंकीले कुनै प्यान र भ्याट बिनाको साधारण रसिद उपलव्ध गराएको छ । नेपालमा सामान बिक्री बितरणका लागि प्यान वा भ्याट बिल अनिवार्य रुपमा जारी गर्नुपर्दछ । अनलाइन मार्फत दैनिक लाखौंको व्यापार गर्ने मारल स्टोरले राज्यलाई यसरी करोडौंको राजश्व छलीगरिरहेको देखिन्छ । मारलको कर छलीको बारेमा हामी थप खोजी सामाग्रीहरु उपलव्ध गराउने छौं ।

काठमाडौं । प्रमुख प्रतिपक्षी नेपाली कांग्रेस फागुन २५ गते हुने राष्ट्रपति निर्वाचनको परिणाम आफूअनुकूल हुनेमा आशावादी बन्दै गएको छ। माओवादी केन्द्रका अध्यक्ष पुष्पकमल दाहाल नेतृत्वको वर्तमान सत्ता साझेदार दलहरूबीच बढ्दै गएको अविश्वास र तिक्ततासँगै कांग्रेस नेताहरू नयाँ राष्ट्रपति आफ्नै पार्टीको बन्नेमा आशावादी देखिएका हुन्।  

कांग्रेस नेतृत्वको गठबन्धन छाडेर एमालेलगायत दलको समर्थनमा दाहाल प्रधानमन्त्री भएका हुन्। कांग्रेसले प्रधानमन्त्री दाहाललाई विश्वासको मत दिएर माओवादीसँग बिग्रिएको सम्बन्ध सुधार प्रयास थालेको थियो। प्रधानमन्त्रीमा दाहाललाई विश्वासको मत दिने कांग्रेस निर्णयलाई गठबन्धनको ठुलो दल एमालेका अध्यक्ष केपी शर्मा ओलीले सत्ताका लागि ढोक्सो थापेको रूपमा व्याख्या गर्दै आएका छन्।  

दाहाललाई प्रधानमन्त्रीमा विश्वासको मत दिए पनि विपक्षी बेञ्चमा बसेको कांग्रेसले राजनीतिक परिस्थिति आफू अनुकूल बन्दै गएको विश्लेषण गर्न थालेको छ। पार्टीको पक्षमा परिस्थिति निर्माण हुँदै गएको जनाउँदै कांग्रेसका एक नेताले भने, ‘दुवै पार्टी (कांग्रेस र माओवादी केन्द्र) बीच केही अविश्वास र संशय बाँकी छन्। तिनलाई हटाउने र मिलेर अघि बढ्ने प्रयास भइरहेको छ। कांग्रेसले अघि सारेको उम्मेदवार राष्ट्रपति बन्नेतिर अवस्था सोझिएको छ।’  

दाहाल नेतृत्वको सरकारलाई विश्वासको मत दिएको कांग्रेस राष्ट्रपतिमा आफूले उठाउने उम्मेदवारलाई समर्थन गर्ने माओवादी निर्णयको प्रतीक्षामा छ। ‘माओवादीले अब निर्णय लिन ढिला गर्नु हुन्न भन्ने हाम्रो बुझाइ छ,’ कांग्रेस पदाधिकारीसमेत रहेका ती नेताले भने्, ‘माओवादी निर्णय आएपछि बल्ल पार्टीबाट राष्ट्रपतिमा कसलाई अघि सार्ने भन्ने विषयमा छलफल हुन्छ।’

कांग्रेसले प्रधानमन्त्री दाहाललाई विश्वासको मत दिएपछि उनले राष्ट्रपतिमा राष्ट्रिय सहमति हुनुपर्ने बताउँदै आएका छन्। दाहाल दलबाहिरको व्यक्तिलाई राष्ट्रपतिका रूपमा अघि सार्ने पक्षमा रहेको निकटहरूको दाबी छ। ‘एमालेले भनेकै उम्मेदवारलाई राष्ट्रपति बनाउने अवस्था छैन,’ प्रधानमन्त्री दाहाल निकट एक नेताले भने, ‘सकेसम्म स्वतन्त्र व्यक्तिलाई राष्ट्रपति बनाइयो भने दलीय हितका आधारमा निर्णय हुँदैन भन्ने हो।’  

सत्ता गठबन्धनको ठुलो घटक एमालेले राष्ट्रपति आफूले पाउने, प्रधानमन्त्री र प्रतिनिधिसभा सभामुख आलोपालो गर्ने समझदारीअनुरूप पहिलो आधा कार्यकालका लागि दाहाल प्रधानमन्त्री भएको दाबी गर्दै आएको छ। माओवादीसँग गत पुस १० गते यस्तो समझदारी भएपछि दाहाल प्रधानमन्त्री नियुक्त भएको एमाले दाबी छ।  

कांग्रेसले राष्ट्रपतिमा नेता रामचन्द्र पौडेललाई अघि सार्ने अड्कल काटिएको छ। राष्ट्रपतिका लागि कांग्रेसभित्र पौडेलसँगै कृष्णप्रसाद सिटौला, गोपालमान श्रेष्ठ, दमननाथ ढुंगानाको नाम चर्चामा छ। तत्कालीन प्रधानमन्त्री केपी ओलीले प्रतिनिधिसभा विघटन गरेपछि कांग्रेस नेतृत्वमा माओवादी केन्द्रसहितको गठबन्धन निर्माणमा पौडेलले महत्वपूर्ण भूमिका निर्वाह गरेका थिए।  

सोही गठबन्धनलाई निरन्तरता दिनुपर्ने पक्षमा पौडेल उभिएकाले माओवादी केन्द्रका साथै तत्कालीन गठबन्धनका शीर्ष नेताहरू उनीप्रति लचिलो रहेको निकटहरूको दाबी छ। पार्टीको सक्रिय राजनीतिमा नरहेको व्यक्तिलाई राष्ट्रपति बनाउने माओवादी अडान कायम रहे कांग्रेसले ढुंगानालाई अघि सार्नसक्ने नेताहरू बताउँछन्।  

कांग्रेस सभापति शेरबहादुर देउवा पनि राष्ट्रपतिमा जान इच्छुक रहेको निकट स्रोतको दाबी छ। पार्टीका शीर्ष नेताहरूको बैठकमा देउवालाई राष्ट्रपतिमा अघि सार्ने अनौपचारिक छलफल भएको जानकारी दिँदै स्रोतले भन्यो, ‘हामीले हुनेभए अघि बढ्नुस् भन्यौं तर उहाँले होइन, होइन भन्नुभयो।’ सभापति देउवामा राष्ट्रपति बन्ने चाहना भने रहेको दाबी गर्दै स्रोतले भन्यो, ‘पार्टी जिम्मा लगाउने मान्छे उहाँले पाउनुभएको छैन।’ पार्टी सभापति पद कुनै कारणले रिक्त भए वरिष्ठ उपसभापति कार्यवाहक सभापति हुने र ६ महिनाभित्र विशेष महाधिवेशन गर्नुपर्ने व्यवस्था विधानमा छ। देउवा राष्ट्रपति भए कार्यवाहक सभापतिको जिम्मेवारी उपसभापति पूर्णबहादुर खड्काको काँधमा पुग्ने छ। ‘आफूपछिको नेतृत्व खड्का वा आफूनिकट नेतामा जान्छ भन्नेमा देउवा आस्वस्त हुन सक्नुभएको छैन,’ निकट एक नेताले भने, ‘आफ्ना लागि मात्र होइन, टिमका लागि पनि उहाँ राष्ट्रपतिको जिम्मेवारीमा जाने जस्तो देखिँदैन।’ पार्टी शीर्ष तहका नेताहरू पनि देउवा राष्ट्रपतिका लागि तयार भए ठिकैछ भन्ने तहमा पुगेको जानकारी दिँदै निकट एक नेताले भने, ‘तर राष्ट्रपति बन्न हुन्न भनेर सुझाउनेहरू पनि धेरै छन्।’

माओवादीभित्र राष्ट्रपतिका लागि अग्निप्रसाद सापकोटा, कृष्णबहादुर महरासहितका नेताको नाम चर्चामा छ। तर उसले पूर्वप्रधानन्यायाधीश कल्याण श्रेष्ठलाई अघि सार्ने अनुमान गरिएको छ। राष्ट्रपतिमा मन्त्रिपरिषद्का पूर्वअध्यक्ष खिलराज रेग्मी र लोकतान्त्रिक समाजवादी पार्टीका अध्यक्ष महन्थ ठाकुरको नाम पनि चर्चामा छ। माओवादीसँग पुस १० गते भएको समझदारी कार्यान्वयनको पक्षमा रहेको एमालेभित्र सुवासचन्द्र नेम्वाङ, अष्टलक्ष्मी शाक्य, डोरमणि पौडेल, विष्णु रिमालसहितका नेता राष्ट्रपतिका आकांक्षी छन्। 

काठमाडौं ।  दुई महिना पुग्दै गरेको पुष्पकमल दाहाल ‘प्रचण्ड’ नेतृत्वको सरकारसँग वासिंगटनले ‘बलियो सम्बन्ध’ बनाउन खोजेको संकेत गरेको छ । अमेरिकी राजनीतिक मामिलाका उपविदेशमन्त्री भिक्टोरियो नुल्यान्डको भ्रमण भएको एक सातापछि नै अन्तर्राष्ट्रिय विकासका लागि अमेरिकी नियोग (यूएसएआईडी) प्रशासक सामन्था पावरले पनि नेपाल भ्रमण गरेबाट यो संकेत मिलेको हो ।

काठमाडौंसँगको दूरी छोट्याउँदै वासिंगटन

नेपालमा कम्युनिस्ट सरकार बन्नेबित्तिकै चीन समर्थक र कांग्रेस सरकार बन्नेबित्तिकै भारत समर्थकको ‘बिल्ला’ भिराउने परम्परागत विचार अन्त्य गर्नुपर्ने र छिमेकी मित्रराष्ट्रसँग निःस्वार्थ सम्बन्ध स्थापित गर्दै आएको संकेत दिन यी भ्रमण सफल हुने नेपाली अधिकारीको विश्वास छ ।

सामन्थाको भ्रमणपछि अर्काे अमेरिकी उच्चपदस्थ अधिकारीले फेब्रुअरी मध्यतिर नेपाल भ्रमण गर्ने कार्यक्रम छ । यसबाट वासिंगटनले काठमाडौंसँगको दूरीलाई नजिक बनाउन चाहेको स्पष्ट देखिन्छ ।

नेपाल, श्रीलंका, बंगलादेश, भुटान र माल्दिभ्सलगायत दक्षिण तथा मध्य एसियाली मामिला ब्युरो (एससीए)का उपसहायक सचिव अफ्रिन अख्तरका साथै सुरक्षा तथा अन्तर्राष्ट्रिय मामिला कार्यालयबाट फेब्रुअरी मध्यमा नेपाल भ्रमण तयारी भइरहेको स्रोत बताउ“छ ।

ठूला शक्तिको आफ्नै भू–रणनीतिक महत्वाकांक्षा हुनु स्वाभाविक हो । अमेरिकाले चीनलाई सैन्य रूपमा नियन्त्रण गर्न आफ्नो ‘इन्डो प्यासिफिक रणनीति’ ल्याएको छ भने चीनले यसलाई सन्तुलनमा राख्न ‘ग्लोबल सेक्युरिटी इनिसिएटिभ’लाई जोड दिएको छ ।

एक उच्च नेपाली अधिकारी अमेरिका–चीन ‘भू–राजनीतिक प्रतिस्पर्धाबाट नेपाल कति पनि अलमलमा पर्न नहुने र आफ्नो स्वतन्त्र विदेश नीति अवलम्बन गर्नुपर्नेमा जोड दिन्छन् । नेपाल र संयुक्त राज्य अमेरिकाबीच सन् १९४८ मा कूटनीतिक सम्बन्ध स्थापना भएको हो । जसका कारण नेपालले अमेरिकालाई टाढाको छिमेकीका रूपमा हेर्दै आएको छ ।

सामन्थाको पछिल्लो नेपाल भ्रमण सन् २००२ पछिको उच्चस्तरको हो । सन् २००२ मा पूर्वअमेरिकी विदेशमन्त्री कोलिन पावेलले नेपालमा सशस्त्र द्वन्द्वका बेला काठमाडौं भ्रमण गरेकी थिइन् । सामन्थाले ओबामा विडेन प्रशासनमा हुँदा संयुक्त राष्ट्रसंघका लागि २८औं अमेरिकी स्थायी प्रतिनिधिका रूपमा सेवा गरेकी थिइन् ।

अन्तर्राष्ट्रिय विकासका लागि अमेरिकी नियोग (यूएसएआईडी) प्रमुख सामन्था पावर काठमाडौं ओर्लिएलगत्तै भक्तपुर सानो ठिमीस्थित आदर्श माध्यमिक विद्यालय पुगेकी थिइन् ।

नेपाल भ्रमणक्रममा सामन्थाले नागरिक समाजका अगुवा, सामुदायिक समूह, विद्यार्थी, व्यवसायी र सरकारी अधिकारीसँग नेपाललाई थप लोकतान्त्रिक समृद्ध समावेशी र लचिलो देश निर्माण विषयमा छलफल गर्ने यूएसएआईडीको वेबसाइटमा उल्लेख छ ।

उनले नेपाल सरकार र जनतासँग संयुक्त राज्य अमेरिकाको ७५ वर्ष लामो साझेदारीलाई जोड दिएकी छन् । नयाँ सरकारसँगको संलग्नता बढाउने यूएसएआईडीको प्रतिबद्धता उजागर गरेकी छन् ।

संघीयता, सामाजिक समावेशीकरण, नागरिक समाज र मिडिया स्वतन्त्रतामा लोकतान्त्रिक लाभ सुदृढ गर्न गति निर्माण गर्ने उनले बताएकी छन् । यूएसएआईडीको १९औं प्रशासकका रूपमा सामन्था पावरले ३ मे २०२१ मा पदभार ग्रहण गरेकी हुन् ।

एमसीसी विषयमा चर्काे राजनीतिक बहस भएपछि अमेरिका र चीन प्रतिद्वन्द्वीजस्तो देखिएको थियो । अमेरिकी इन्डो प्यासिफिक रणनीतिको अभिन्न अंगका रूपमा एमसीसी रहेको भन्दै विरोधसमेत भयो । त्यतिबेला विरोधबाबजुद नेपालको संसद्ले एमसीसी अमुमोदन ग-यो ।

‘एमसीसी नेपाल कम्प्याक्ट’ पारितलगत्तै अमेरिकाले नेपाललाई ६५ करोड ९० लाख अमेरिकी डलर सहयोग स्वीकृत ग¥यो । यसलाई यूएसएआईडीले कार्यान्वयन गरिरहेको छ ।

सामन्थाले मंगलबार यूएसएआईडीले सहयोग गर्ने भनेको ५ करोड ८५ लाख अमेरिकी डलरमध्ये ४ करोड २ लाख डलर सन् २०२२ मा घोषित ६५ करोड ९० लाख अमेरिकी डलरको एउटा अंश हो ।

यूएसएआईडी नेपाललाई ७ अर्ब सहयोग घोषणा
नेपाल भ्रमणमा रहेकी अन्तर्राष्ट्रिय विकासका लागि अमेरिकी नियोग (यूएसएआईडी) प्रमुख प्रशासक सामन्था पावरले ५ करोड ८५ लाख अमेरिकी डलर (साढे ७ अर्ब रुपैयाँभन्दा बढी) सम्मको सहयोग प्रदान गर्ने घोषणा गरेकी छन् ।

नेपालका लोकतान्त्रिक संस्था र नागरिक समाजको सुदृढीकरणका लागि आर्थिक सहयोग घोषणा गरिएको जनाएको छ । सो रकम नेपाल सरकार, नागरिक समाज र निजी क्षेत्रका नेतृत्वकर्तामाझ नेपालको लोकतान्त्रिक उन्नतिलाई अघि बढाउन खर्च हुने जनाइएको छ ।

सो घोषणा रकममध्ये ४ करोड २ लाख डलर सन् २०२२ मा घोषित ६५ करोड ९० लाख अमेरिकी डलरको विकास उद्देश्य सम्झौताको एक अंश हो ।

घोषित लगानीमा आर्थिक दृष्टिकोणबाट अझ बढी पारदर्शी र जवाफदेही बनेर सार्वजनिक सेवा प्रदान गर्न प्रादेशिक तथा स्थानीय सरकारलाई सहयोग गरी नेपालमा समावेशी लोकतन्त्र र समृद्धि सुदृढीकरण गर्न २ करोड डलरसम्म समावेश गरिएको अमेरिकाले जनाएको छ ।

अमेरिकाले स्वतन्त्र नागरिक समाजका संस्थाहरूलाई सहयोग गर्न १ करोड ८५ लाख डलरसम्मको रकम पनि यसमा राखेको छ ।

नयाँ लगानी नेपालका लक्ष्य र आकांक्षालाई टेवा पु-याउन नेपालका सरकार र जनता, निजी क्षेत्र र अन्यसँग रहेको यूएसएआईडीको ६० वर्षभन्दा लामो साझेदारीमा आधारित रहेको जनाइएको छ ।

काठमाडौं । अमेरिकी सहायता परियोजना मिलेनियम च्यालेन्ज कर्पाेरेशन (एमसीसी) विरुद्ध चौतर्फी विरोध प्रदर्शन भइरहँदा सत्तारुढ गठबन्धनका शीर्ष नेताबीच घनीभूत छलफल भइरहेको छ । छलफलले कुनै निष्कर्ष ननिकाल्ने केवल बैठकमा मात्र उपस्थित भएको देखिन्छ ।

शनिबार पनि प्रधानमन्त्री निवास बालुवाटारमा सत्तारुढ गठबन्धनका तीन शीर्ष नेताहरुबीच एमसीसी पास वा फिर्ता पठाउने भन्ने विषयमा निष्कर्षविहीन छलफल टुंगिएको छ । दुई नेता एकातिर र प्रधानमन्त्री शेरबहादुर देउवा एकातिर भएरै छलफल टुंगिएको बालुवाटार स्रोत बताउँछ ।

प्रधानमन्त्री एंव नेपाली काँग्रेसका सभापति देउवाले अब ढिला नगरी एमसीसी संसद्मा पेश गर्नुपर्ने भनेका थिए । तर, नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ र नेकपा (एकीकृत समाजवादी) का अध्यक्ष माधवकुमार नेपालले भने संसदमा एमसीसी पेश गर्न नहुने अडान राखेका थिए ।

प्रचण्ड र नेपालले संसद्मा एमसीसी पेश गर्नुअघि दलहरुबीच साझा धारणा बनाएर जानुपर्ने भनेर भनेका थिए । साथै, स्थानीय तहको निर्वाचनपछि मात्र एमसीसीको विषयमा अघि बढ्न सकिने दुई नेताको भनाइ थियो ।

तर, प्रधानमन्त्री देउवाले भने संसद्मा सबै दलको धारणा बुझ्न एमसीसी पेश गर्नुपर्ने बताएका छन् । प्रधानमन्त्री देउवाले छलफलमा पटक पटक संसद्मा एमसीसी पेश गर्नुपर्ने भनेपछि यसरी जबर्जस्ती गर्ने हो भने ‘गठबन्धन भत्किन सक्ने’ दुई नेताले चेतावनीसमेत दिएको बताइन्छ ।

दुई नेता एकातिर र प्रधानमन्त्री देउवाको अडान एकातिर भएपछि शनिबारको बैठक निष्कर्षविहीन सकिएको छ भने पुनः यस विषयमा बैठक बस्ने भनिएको छ ।

कर्णाली । कर्णाली प्रदेश सरकारको जलस्रोत तथा ऊर्जा विकास मन्त्रालय स्थापना कालदेखि सविचविहीन अवस्थामा छ । ऊर्जा विकास मन्त्रालयको कर्णाली प्रदेश सरकारको सबैभन्दा कान्छो मन्त्रालय हो ।

पूर्वमुख्यमन्त्री महेन्द्रबहादुर शाही अध्यक्षतामा विसं २०७८ वैशाख २९ गते बसेको मन्त्रिपरिषद् बैठकको निर्णयानुसार मन्त्रिपरिषद् कार्य विभाजन नियमावली, २०७४ तथा प्रदेश सरकार कार्य सम्पादन नियमावली, २०७४ संशोधन स्वीकृति भए बमोजिम यस मन्त्रालय स्थापना भएको थियो ।स्थापना भएदेखि भने उक्त मन्त्रालय निमित्तका भरमा चलिरहेको छ । मन्त्रालयका स्थापनासँगै भौतिक पूर्वाधार तथा सहरी विकास मन्त्रालयमा कार्यरत सिनियर डिभिजन इञ्जिनीयर धर्मेन्द्र झाले निमित्त सचिवको जिम्मेवारी दिइएको थियो ।

माघ २ गतेदेखि उक्त मन्त्रालयमै कार्यरत सिनियर डिभिनल इञ्जिनीयर गोपाल शर्माले निमित्त सचिवको जिम्मेवारी सम्हालिरहेका छन् ।

‘हाम्रो मन्त्रालयका लागि मौसम विज्ञान विभागमा कार्यरत जगदीश कर्माचार्यलाई मन्त्रालयको सचिवका रूपमा खटाएको तर उनले आफूलाई कर्णाली जान बाध्य पारेको गुनासो गर्दै नआउने जस्ता कुरा गर्नुभएको छ’ निमित्त सचिव शर्माले भने, ‘सिभिल इञ्जिनीयरिङतर्फको सचिव पठाउनुपर्नेमा सरकारले पनि किन फरक क्षेत्रमा कार्यरतलाई सचिव बनाउन खोजेको हो ?’

कर्णालीका लागि केन्द्र सरकारले यसअघि कर्णाली सरकारको भौतिक पूर्वाधार तथा सहकारी विकास मन्त्रालयमा फरक सम्बन्धित क्षेत्र नभई गुणस्तर तथा नापतौल विभागमा कार्यरत कर्मचारीलाई रामआधार साहलाई सचिव बनाएर पठाएको उनले बताए ।

निमित्त सचिव शर्माका अनुसार मन्त्रालयमा सिनियर डिभिजनमा चार दरबन्दी खाली रहेको र इञ्जिनियर सात दरबन्दीमा एकजना मात्रै हुँदा काम गर्न जटिल भएको छ ।

कर्णाली प्रदेश सरकारको आन्तरिक मामिला तथा कानुन मन्त्रालय पनि निमित्त सचिवका भरमा चलिरहेको छ । कानुन मन्त्रालयका सचिव झक्कप्रसाद आचार्य प्रदेश सरकारको आर्थिक मामिला तथा योजना मन्त्रालयमा एक महिनाअघि सरुवा भएपछि समस्या हुँदै गएको निमित्त सचिव निधिराज न्यौपानेले जानकारी दिए ।

‘आर्थिक अख्तियारी छैन तर प्रशासनिक काम गर्दै आएका छौँ’ निमित्त सचिव न्यौपानेले भने, ‘यदि बेलैमा सचिव नआउने अवस्था हो भने हामी सबै कर्मचारीलाई तलब खानसमेत समस्या हुने देखिन्छ ।’

उनका अनुसार सचिव नहुँदा विभिन्न अख्तियारीका कामहरुमा पनि बाधा पुगेको छ । कर्णाली प्रदेश सरकारका प्रमुख सचिव राजकुमार श्रेष्ठले सचिवका लागि पहल भइरहेको र अब तत्कालै आउने बताए ।

फरक क्षेत्रमा काम गर्ने कर्मचारीलाई ऊर्जा विकास मन्त्रालयको सचिव बनाउँदा कार्यसम्पादन तथा जिम्मेवारी समस्या हुँदैन र ? भन्ने राससको प्रश्नमा प्रमुख सचिव श्रेष्ठले त्यस विषयमा आफूलाई थाहा नभएको जवाफ दिए ।

प्रदेश सरकारका जलस्रोत तथा ऊर्जा विकासमन्त्री गणेशप्रसाद सिंहले मन्त्रालयका लागि खटाइएका सचिव कर्माचार्यसँग कुरा गर्दा आफ्नो विषय र जिम्मेवारी नमिल्ने र कर्णाली नजाने निर्णय गरेको जवाफ पाएपछि अर्को सचिव ल्याउनका लागि विभागीय मन्त्रीसँग कुरा भइरहेको बताए ।

मन्त्री सिंहले अब जतिसक्दो छिटो सचिव ल्याउन पहल गर्ने बताए । सङ्घीय मन्त्रालयमा सचिव कामविहीन हुने तर कर्णालीमा मन्त्रालय सचिवविहीन हुनु दुर्भाग्य भएको उनले बताए ।

कर्णाली तथा मुलुकका विभिन्न ठाउँमा देखिएका यी यस्ता समस्या समाधान तत्काल सङ्घीय मामिला तथा सामान्य प्रशासन मन्त्रालयबाट हुनुपर्ने उनको भनाइ छ।

जनकपुरधाम । मधेस प्रदेशभर आइतबार सार्वजनिक बिदा दिइएको छ । २७ औँ जनयुद्ध दिवसको अवसरमा मधेस प्रदेशभर सार्वजनिक बिदा दिइएको आन्तरिक मामिला तथा सञ्चार मन्त्री भरत प्रसाद शाहले बताए ।

काठमाण्डौं । नेपाल पत्रकार महासंघ जिल्ला शाखा नुवाकोटले शिवपुरी मिडिया नेटवर्कका अध्यक्ष तथा सगरमाथा पोष्ट डट कमका सम्पादक रबिन प्रसाद थपलियालाई स्व रामकृष्ण प्रधान स्मृति पत्रकारीता पुरस्कार प्रदान गर्ने निर्णय गरेको छ ।
बिगत २० बर्ष देखि नेपाली पत्रकारीतामा क्रियाशील पत्रकार थपलियालाई नुवाकोट जेसीसद्धारा स्पोन्सर गरिएको स्व रामकृष्ण प्रधान स्मृति पत्रकारीता पुरस्कार दिन लागिएको हो । पुरस्कारको राशी ११ हजार १ सय ११ रहेको छ । थपलियाको रेडियो, पत्रिका र अनलाइन लगायत दर्जन बढी मिडियामा
नेपाल पत्रकार महासंघ जिल्ला शाखा नुवाकोटको आज बसेको बैठकले पत्रकार थपलिया सहित त्रिशूली प्रबाह साप्ताहिका प्रकाशक एवं सम्पादक शरण उत्सुक सापकोटालाई दिर्घसेवा सम्मान–२०७७, अर्थपथ डटकमका सम्पादक बिष्णुराज जम्कट्टेल (बिष्णु तारुके) लाई स्वर्गिय मोहन विक्रमध्वज जोशी स्मृति पत्रकारिता पुरस्कार–२०७७ र बिबिसी नेपाली सेवाका सम्वाददाता शक्तिमाया तामाङलाई महिला पत्रकारिता पुरस्कार–२०७७द्धारा सम्मान तथा पुरस्कृति गर्ने निर्णय गरीएको नेपाल पत्रकार महासंघ जिल्ला शाखा नुवाकोटका अध्यक्ष कपिल देव खनालले बताए ।
बिगत २० बर्ष देखि नेपाली पत्रकारीतामा क्रियाशील पत्रकार थपलिया नुवाकोटबाट प्रकाशीत नयाँ रुपरेखा साप्ताहीक, एचविसी ९४ एफ एम, गोर्खा एफएम, अग्निवाँण पाक्षिक पत्रिका लगायत दर्जन बढी मिडियामा काम गरिसकेका छन् ।
उक्त पुरस्कार र सम्मान नेपाल पत्रकार महासंघ जिल्ला शाखा नुवाकोटको १० औ बार्षिक साधारणसभाको अवसरमा पुस ९ गते सुखद पाहुना घर बिदुरमा प्रदान गरिने नेपाल पत्रकार महासंघ नुवाकोटले जनाएको छ ।

त्रिशूली अस्पताल नुवाकोटले कोभिड–१९ संक्रमित एक महिलालाई प्रसूति सेवा प्रदान गरेको छ । तारकेश्वर गाउँपालिका–६ निवासी २१ वर्षीया महिलालाई अस्पतालले सेवा प्रदान गरेको हो । ती महिलाले आइतबार अस्पतालमा नवजात शिशुलाई जन्म दिएकी थिइन् ।

व्यक्तिगत सुरक्षा कवचसहितको सावधानी अपनाएर प्रसूति तथा स्त्रीरोग विशेषज्ञ डा. सुनिता केसी र नर्स सुमित्रा न्यौपानेले ती महिलालाई प्रसूति सेवा उपलब्ध गराएका थिए । ती संक्रमित महिलाका लागि अलग ‘विशेष आइसोलेशन’ कक्ष तयार गरेर सुत्केरी सेवा उपलब्ध गराइएको थियो ।

कोरोना संक्रमितको उपचारका लागि अस्पतालमा क्लिनिक सेवा भए पनि संक्रमितको स्वास्थ्यमा समस्या देखिए पछि काठमाडौंमा पठाइने गरिएको थियो ।

‘कोरोना संक्रमित भएका गर्भवतीको नियमित जाँच तथा परीक्षणको सेवा उपलब्ध गराइँदै आए पनि गर्भवतीमा संक्रमण देखिएको सेवाग्राहीलाई सुत्केरी सेवा दिइएको यो पहिलो पटक हो,’ चिकित्सक केसीले भनिन्, ‘अस्पतालमा हाल उपचारारका लागि अलग आइसोलेशन नभए पनि विशेष आइसोलेशन तयार गरेर सामान्य अवस्थामा नै उहाँ सङ्क्रमित महिलालाई सुत्केरी गराएका हौँ ।’

सेवाग्राहीको वृद्धि

अस्पतालमा गर्भवती परीक्षण र सुत्केरी सेवा लिन आउने बिरामीको सङ्ख्यामा वृद्धि भएको छ । अस्पताल विकास समितिका अध्यक्ष अजुर्नप्रसाद न्यौपानेका अनुसार कोभिड–१९को सङ्क्रमण शुरु हुनुपूर्व अस्पतालमा सुत्केरी सेवा लिनेको सङ्ख्या ५०–६० को हाराहारीमा हुने गरेकामा हाल सो सङ्ख्या २०० नाघ्न थालेको छ ।

काठमाडौंमा गर्भवती जाँच गराउँदै आएका जिल्ला फर्किएसँगै परीक्षण गराउनेको दर पनि बढेको जनाइएको छ । ‘कोरोनाको जोखिमको कारण फोनमार्फत चिकित्सकसँग परामर्श लिन आग्रह गर्दै आएका छौँ,’ अस्पतालका अध्यक्ष न्यौपानेले भने, ‘चिकित्सकका परामर्शको आधारमा आवश्यक परेमा मात्र अस्पताल बोलाउदा दैनिक गर्भवती जाँच गर्नेको सङ्ख्या बढ्दो छ ।’

अर्कातर्फ अस्पतालले पछिल्लो एक वर्षदेखि प्रसूति तथा स्त्रीरोग विशेषज्ञमार्फत सेवा उपलब्ध गराउन शुरुआत गरेसँगै सेवाग्राहीको सङ्ख्यामा वृद्धि भएको हो ।

यसैबीच अस्पतालले यस साताभित्रै सघन उपचार कक्ष (आईसीयू) सेवा सुरुवात गर्ने भएको छ । अस्पतालको स्तरवृद्धि गरी ५० श्यया पुर्‍याइएको छ । यससँगै दश श्ययाको सघन उपचार कक्ष सञ्चालनका लागि तयारी अन्तिम चरणमा पुगेको जनाइएको छ ।

रबिन थपलिया । काठमाण्डौं । मंसिर ३० । नुवाकोटको शिवपुरी गाँउपालीका ८ थानापति स्थीत साविकको थानापति गाँउ बिकास समिति वडा नं ७ का पुर्व वडा अध्यक्ष कृतिराज सिटौलाको निधन भएको छ ।
दम र प्रेसरको रोगले ग्रस्त सिटौलाको मंसिर २९ गते निधन भएको हो । २००७ साल साउन २५ गते जन्मनु भएका सिटौलाको जिबननै नेपाली काँग्रेसको राजनीतिमा बितेको थियो । २०४६ सालमा नेपाली काँग्रेस थानापति गाँउ इकाईको संस्थापक समेत रहनु भएका सिटौला पार्टीले दिएको बिभिन्न जिम्मेवारी निर्वाह गदै लामो समय सम्म इकाई सचिबमा रही काँग्रेसको संगठन बिस्तारमा योग्दान दिनुभएको थियो । स्व सिटौला नुवाकोट काँग्रेसका पुराना र सादगी नेताको रुपमा परिचिति हुनुहुन्छ ।
स्व सिटौलाका दुई छोरा र एक छोरी छन् । सिटौलाका जेठा छोरा हरी सिटौला अहिले पनि नेपाली काँग्रेसको राजनीतिमा सक्रिय रहनु भएको छ भने कान्छा छोरा मदन सिटौला व्यवसायमा संलग्न हुनुहुन्छ । जेठा छोरा हरि सिटौला नेपाली काँग्रेसको सुभेच्छुक संस्था प्रजातान्त्रीक महासंघ नुवाकोटका अध्यक्ष एवं नेपाली काँग्रेस शिवपुरी ८ थानापतिका इकाई सचिबको रुपमा कार्यरत रहनु भएको छ । स्व सिटौलाको निधन प्रति इ नुवाकोट डट कमको तर्फबाट गहिरो दुख व्यक्त गदै हार्दिक समबेदना प्रकट गर्दछौं ।

नुवाकोट । वि.स २०७२ सालको भुकम्पमा परि ध्वस्त भएका नुवाकोटका विद्यालयहरु पुननिर्माण गर्न करिव एक अर्व ४१ करोड रुपैयाँ खर्च भएको छ ।

जिल्ला आयोजना कार्यान्यन इकाई शिक्षा नुवाकोटका अनुसार आर्थिक वर्ष २०७३÷७४ मा विद्यालय पुन निर्माणका लागि २१ करोड, ३९ लाख,५७ हजार रुपैयाँ, आर्थिक वर्ष २०७४÷७५ मा ४८ करोड २४ लाख १२ हजार रुपैयाँ, आर्थिक वर्ष २०७५÷७६ मा विद्यालय र शौचालय निर्माणको लागि ३४ करोड ५ लाख ८० हजार र आर्थिक वर्ष २०७६÷७७ मा विद्यालय,शौचालय र खानेपानीका लागि ३७ करोड ८३ लाख २ हजार रुपैयाँ खर्च भएको छ ।

जिल्लामा आर्थिक वर्ष २०७३÷७४ देखि आर्थिक वर्ष २०७६÷७७ सम्म नेपाल सरकारको अनुदानमा विद्यालय व्यवस्थापन समितिमार्फत २ सय ७७ ओटा विद्यालयको ७ सय ८८ कक्षा कोठाको पुननिर्माण भएको जिल्ला आयोजना कार्यान्यन इकाई शिक्षा नुवाकोटले जनाएको छ ।
ककनीमा २५ वटा विद्यालयका ९४ वटा कक्षाकोठा, किस्पाङमा १४ ओटा विद्यालयको ५२ ओटा कक्षाकोठा, तादीमा १४ वटा विद्यालयकाृे ४३ ओटा कक्षाकोठा, तारकेश्वरमा २० वटा विद्यालयको ७५ ओटा कक्षाकोठाको निर्माण गरिएको छ ।

यस्तै दुप्चेश्वरमा २६ वटा विद्यालयको ८१ कक्षाकोठा, पन्चकन्यामा १२ ओटा विद्यालयको ५४ ओटा कक्षाकोठा,, विदुरमा २७ वटा विद्यालयको ९८ ओटा कक्षाकोठाको पुननिर्माण सम्पन्न भएको छ । त्यस्तै बेलकोटगढी नगरपालिकाको १५ विद्यालयको ६९ ओटा कक्षाकोठाको पुननिर्माण सकिँदा, म्यागङ गाउँपालिकामा १७ ओटा विद्यालयको ६० कक्षाकोठा, लिखु गाउँपालिकाका ११ ओटा विद्यालयको ४५ ओटा कक्षाकोठाको पुन निर्माण सकिएको छ । त्यस्तै शिवपुरीमा २३ ओटा विद्यालयको पुननिर्माण सकिँदा ८५ ओटा कक्षाकोठाको पुननिर्माण सकिएको छ भने सुर्यगढी गाउँपालिकामा १३ ओटा विद्यालयको ४१ ओटा कक्षाकोठाको पुननिर्माण व्यवस्थापन समितिमार्फत सम्पन्न भएको छ ।

यस्तै जापान सरकारको क्रृण सहयोगमा ५७ ओटा विद्यालयको लागि २ अर्व १५ करोड ३० लाख ८५ हजार रुपैयाँ विपद उत्थानशिल विद्यालय परियोजनामार्फत ६ ओटा विद्यालय पुननिर्माण भइरहेको छ । त्यसको लागत २४ करोड ८७ लाख ५४ हजार रुपैया हुने अनुमान गरिएको जिल्ला आयोजना कार्यान्यन इकाई शिक्षा नुवाकोटले जनाएको छ । भुकम्प जानुअघि नुवाकोटमा ४ सय ५३ ओटा विद्यालयहरु रहेका थिए । तीमध्ये भुकम्पका कारण ३ सय ६४ विद्यालय पुर्ण क्षति र एकसय २० वटा विद्यालयमा आंशिक क्षति पुगेको थियो ।

काठमाण्डौं । नुवाकोटको पञ्चकन्या गाँउपालीका २ कबिलास काडेपानी स्थीत काडेपानी चौतारोको एक भव्य कार्यक्रमका बिच उदघाटन गरिएको छ ।
नेपाली काँग्रेस नुवाकोटका नेता एवं प्रदेश सभा सदस्यका उम्मेद्धवार रमेश महतले नवनिर्मीत चौतारोको उदघाटन गर्नुभएको हो ।
पञ्चकन्या २ कबिलास काडेपानि स्थित स्वर्गीय भुवन प्रसाद अर्याल एवंम तारादेवि अर्याल द्वारा निशुल्क रुपमा दिएको जग्गामा निर्मित ऐतिहासिक काडेपानि चौतारो करिव चार लाख लागतमा निर्माण गरिएको हो ।
स्थानीय युवा व्यवसायी एवं नेपाली काँग्रेस नुवाकोटका युवा नेता कृष्ण मिश्रको पहलमा पञ्चकन्या गाउँपालिका भित्र रहेको पुरानो तथा ऐतिहासिक चौताराहरुको ब्यवस्थित रुपमा निर्माण गर्ने अभियान अन्तर्गत पहिलो चौतारोको रुपमा निर्माण गरिएको हो । मिश्रका अनुसार पञ्चकन्या गाँउपालीकाको ५ वटा वडामा ७ वटा चौतारो निर्माण गरिने छ । चौतारो निर्माणका क्रममा सरकारी निकायमा गएर सहयोग नलिने बताँउदै नेता मिश्रले स्थानीयबासीहरुबाट प्राप्त हुने सहयोगमा नपुग रकम थप गरेर आफैलेनै निर्माण सम्पन्न गराउन लागिएको बताउनुभयो ।
निर्मित चौतारोको उदघाटन गर्ने क्रममा नेपाली कांग्रेस नुवाकोटको जिल्ला सदस्य एंवम पञ्चकन्या गाउँपालिकाकी उपाध्यक्ष सीता पराजुली खड्का , नेपाली कांग्रेस नुवाकोटको जिल्ला सदस्य बैकुण्ठ मिश्र , जि पि फाउन्डेसन नुवाकोटको अध्यक्ष रमेशकुमार पाठक ,पुर्व गाबिस अध्यक्षहरु गणेश प्रसाद मिश्र ,माधव प्रसाद खनाल ,क्षेत्रीय सचिव महानन्द ढकाल ,नेपाली कांग्रेस नुवाकोटको संगठन बिभाग सचिव जगदिश कुईकेल लगायतले सामाजीक काममा अग्रसर भएका मिश्र समाजका उदाहारणीय पात्र रहेको बताँउदै उहाँबाट सबैले पाठ सिक्नु पर्ने बताउनुभयो ।
चौतारो निर्माण गरिदिने स्थानीय युवा व्यवसायी एवं नेपाली काँग्रेस नुवाकोटका युवा नेता कृष्ण मिश्रले कार्यक्रममा सहभागी भई प्रत्यक्ष अप्रत्यक्ष सहयोग गर्ने सबैमा हार्दिक धन्यवाद व्यक्त गर्नुभयो ।

कार्यक्रममा चौतारो निर्माणको क्रममा सहयोग गर्ने सहयोगीहरुलाई सम्मान समेत गरिएको थियो ।

नुवाकोट । नुवाकोटको दुप्चेश्वर गाँउपालीकाका अध्यक्ष योविन्द्रसिंह तामाङ ३४ दिन पछि कोरोना संक्रमण मुक्त भएका छन् ।
कोरोनासंग मिल्दोजुल्दो लक्षण रुघाखोकी र ज्वरो देखिएपछी असोज २४ गते उनि सहित गाउँपालिकाका उपाध्यक्ष अन्जु कुईँकेल (आचार्य) र अन्य कर्मचारीहरुले कोरोना टेष्ट गराएका थिए । उपाध्यक्ष सहित अन्य कर्मचारीहरुको यस अघिनै कोरोनाको रिपोर्ट नेगेटीभ आएपनि अध्यक्ष तामाङको भने शुक्रबार छैठौं पटकमा कोरोनाको रिपोर्ट नेगेटीभ आएको हो ।
कोरोना पुष्टि भएपछि अध्यक्ष तामाङ लामो समयदेखी होम आइसोलेसनमा रहंदै आएका थिए ।
कोरोना मुक्त भएपछि तामाङलेआफ्नो स्वास्थ्यको चिन्ता र सद्भावसहित स्वास्थ्यलाभको कामना गर्नुहुने सबैप्रति आभार व्यक्त गरेका छन् ।

कपिलवस्तुबाट भारततर्फ लैजाँदै गरेको आधा किलो अवैध सुनसहित एक युवकलाई प्रहरीले पक्राउ गरेको छ । प्रहरीले बिहीबार साँझ अवैध सुनसहित ३४ वर्षीय पवनकुमार गुप्तालाई पक्राउ गरेको हो ।

लु ५६ प ६३१० नम्बरको मोटरसाइकलमा भारततर्फ जाँदै गर्दा मायादेवी गाउँपालिका–७ बनकसियामा गुप्ताको साथबाट आधा किलो सुन बरामद गरिएको जिल्ला प्रहरी कार्यालयका प्रहरी उपरीक्षक नवराज अधिकारीले जानकारी दिनुभयो । गुप्ताले कम्मरमा बाँधेको नीलो रङको थैलीभित्र २४ क्यारेट सुन ४३ तोला, १८ क्यारेट सुनको सिक्री एक तोला ४७ लाल, १८ क्यारेट सुनको औँठी बरामद गरिएको प्रहरी उपरीक्षक अधिकारीले जानकारी दिनुभयो । सुनको बजार मूल्य रु ४२ लाख तीन हजार ९६ रहेको प्रहरीको भनाइ छ । गुप्तालाई नियन्त्रणमा लिई थप अनुसन्धानका लागि राजस्व अनुसन्धान कार्यालय बुटवल रुपन्देही पठाइएको प्रहरीले जनाएको छ ।

काठमाण्डौं । नुवाकोटको लिखु गाँउपालीका ४ घर भई हाल मध्यपुर नगरपालीका ३ भक्तपुरमा बस्दै आएका युवा दिनेश थपलिया “आक्रोश”ले नेपाल कम्युनिष्ट पार्टी नेकपाको भातृ संस्था राष्ट्रिय युवा संघ नेपालको भक्तपुर इञ्चार्जको जिम्मेवारी पाएका छन् ।
माओबादी जनयुद्धमा राज्यपक्षबाट चरम दमन खेपेर पनि पार्टीको जिम्मेवारीलाई सफलतापुर्व पुार गरेका थपलिया तार्की र नेतृत्व दिन सक्षम युवाको रुपमा पार्टी पंत्तीमा चिनिन्छ । उनिभित्रको त्यो अदभुत क्षमताको पार्टीले मुल्यांकन गरेका कारण बहुसंख्यक भक्तपुरको रैथानीयाहरुका युवाहरुको नेतृत्व गर्ने अबसर पाएका छन् ।
२०५७ देखि नेकपा माओबादी पार्टीको पुर्णकालिन सदस्य तथा भुमिगत भएका थपलियालाई तात्कालीन सरकारले दुई बर्ष हिरासतमा राखेर चरम यातना दिएको थियो । २०५८ चैत्र गिरफ्तार भएका थपलिया २०६० चैत्र २६ गते रिहा भएका थिए ।
रिहा भएपछि थपलिया पार्टीले दिएको जिम्मेवारीलाई निर्वाह गदै निरन्तर पार्टी संगठनमा रहेर काम गदै आइरहेका छन् ।
थपलिया वाइसीएल नेपाल भक्तपुर जिल्ला अध्यक्ष, नेकपा भक्तपुर जिल्ला सदस्य, राष्ट्रिय युवा संघ नेपालको केन्द्रीय सदस्यमा रहेर काम गरिसकेका छन् ।
सशस्त्र जनयुद्धमा पार्टीले दिएको जिम्मेवारीलाई कुशलतापुर्वक निर्वाह गरेका त्यस बेला देखिनै प्रचण्डका विश्वास पात्रका रुपमा रहंदै आएका छन् । भक्तपुरमा सरकारी कार्यालयहरुको बेथीति, कालोबजारी र भ्रष्टाचार नियन्त्रण लगायतमा उनले अभियाननै चलाँउदै आइरहेका छन् ।

उत्पादनलाई बजार अभाव हुन