नुवाकोटका थपलियाले पाए राष्ट्रिय युवा संघ नेपालको भक्तपुर इञ्चार्जको जिम्मेवारी

काठमाण्डौं । नुवाकोटको लिखु गाँउपालीका ४ घर भई हाल मध्यपुर नगरपालीका ३ भक्तपुरमा बस्दै आएका युवा दिनेश थपलिया “आक्रोश”ले नेपाल कम्युनिष्ट पार्टी नेकपाको भातृ संस्था राष्ट्रिय युवा संघ नेपालको भक्तपुर इञ्चार्जको जिम्मेवारी पाएका छन् ।
माओबादी जनयुद्धमा राज्यपक्षबाट चरम दमन खेपेर पनि पार्टीको जिम्मेवारीलाई सफलतापुर्व पुार गरेका थपलिया तार्की र नेतृत्व दिन सक्षम युवाको रुपमा पार्टी पंत्तीमा चिनिन्छ । उनिभित्रको त्यो अदभुत क्षमताको पार्टीले मुल्यांकन गरेका कारण बहुसंख्यक भक्तपुरको रैथानीयाहरुका युवाहरुको नेतृत्व गर्ने अबसर पाएका छन् ।
२०५७ देखि नेकपा माओबादी पार्टीको पुर्णकालिन सदस्य तथा भुमिगत भएका थपलियालाई तात्कालीन सरकारले दुई बर्ष हिरासतमा राखेर चरम यातना दिएको थियो । २०५८ चैत्र गिरफ्तार भएका थपलिया २०६० चैत्र २६ गते रिहा भएका थिए ।
रिहा भएपछि थपलिया पार्टीले दिएको जिम्मेवारीलाई निर्वाह गदै निरन्तर पार्टी संगठनमा रहेर काम गदै आइरहेका छन् ।
थपलिया वाइसीएल नेपाल भक्तपुर जिल्ला अध्यक्ष, नेकपा भक्तपुर जिल्ला सदस्य, राष्ट्रिय युवा संघ नेपालको केन्द्रीय सदस्यमा रहेर काम गरिसकेका छन् ।
सशस्त्र जनयुद्धमा पार्टीले दिएको जिम्मेवारीलाई कुशलतापुर्वक निर्वाह गरेका त्यस बेला देखिनै प्रचण्डका विश्वास पात्रका रुपमा रहंदै आएका छन् । भक्तपुरमा सरकारी कार्यालयहरुको बेथीति, कालोबजारी र भ्रष्टाचार नियन्त्रण लगायतमा उनले अभियाननै चलाँउदै आइरहेका छन् ।

भर्खरै प्रकाशित